الوداع

حان الوداع وهلّت العين
وأنا مع نوحـي وبكايـه

قلبي تقّطع بين ضلعيـن
وأشوف موتي والنهايـه

العمر راح بلحظه وحين
وبْقيت بيـن الهـم تايـه

يا من غديتوا بي مقفّيـن
انتوا سبب همي وشقايـه

كنتوا لي أحباب ومضانين
واليوم ما تبغـوا هوايـه

لو كان ذقتوا حرّة البيـن
مثلي .. لقلتوا لي : كفايه

يا ما صفقت براح اْليدين
وحيد مـا حـد ٍ معايـه
آيـر بآهـات وتلاحيـن
والحزن غيّم في سمايـه

الله على فرقاكـم يعيـن
رب ٍ عليم ٍ بالخفايـه

من طبعنا نْداري المحبين
ما نستمع فيهـم وشايـه

لكن بالاقـدار راضييـن
ما دامكم تبغـوا النهايـه